Gusto ko lang naman makausap ang isang tao na pareho naming kakilala si Daddy. Gusto ko lang makipag-bidahan. Makipag-kwentuhan ng mga ginawa ni Daddy noon. Mga antics nya nung binata pa siya. Mga ginawa niya noon na kung ano-ano.
Gusto ko lang makipag-kwentuhan ng kung ano-ano tungkol sa kanya. Yung tipong sabay namin siyang aalalahanin. Yung iiyak kami hanggang sa sobrang hapdi na ng mata namin kasi hindi naman bawal umiyak di ba? Gusto ko lang ng makahanap ng isang tao na ku-kwentuhan ako ng wantusawa tungkol sa kanya nang hindi ako tinitingnan na parang alien ako. Yung taong hindi ako titingnan ng kakaiba kapag nabanggit yung "Beyn" o "Boy" o "Konsi". Yung kapag nabanggit na yung pangalan niya eh hindi aalalahanin kung nalulungkot ba ko o ano. Yung wala lang. Gusto ko lang makahanap ng tao na makikipag-usap sakin at magku-kwentuhan kami tungkol kay Daddy na parang andito pa rin siya.
Tangina lang. Tangina lang talaga...
No comments:
Post a Comment