Nakakainis lang kasi.

May mga tao na pilit kang hinihila pababa kahit wala ka namang ginagawa. Yung kapag nakita nilang nakaka-achieve ka ng success sa buhay, pilit nilang sisirain yung buhay mo at gusto ka nilang maging miserable. Sabi nga sa kanta ng Brownman Revival na Hitik sa Bunga:

“Inggit sa iyong narating

Pilit kang sisirain

Dyan sila magaling

Ilalagay ka sa alanganin.

Kaya mag-ingat sa mga asal talangka

Hihilahin ka nila pababa

Namamato pag ika’y hitik

Hitik sa bunga.

Dapat lagi kang listo

Bantayan ang iyong puso

Sa mga pabigat sa iyong pag-akyat

Pumipigil sa iyong pag-angat.”

Hindi mo alam kung insecure, inggit, o ano eh. Ang saya-saya ng buhay mo tapos magsasabi ng kung ano-ano sa'yo. Na mayabang ka na daw, na nakakainis ka, na wala namang kwenta sinasabi mo. Mga ganun. Eh bakit kasi hindi mo sabihin ng personal? Na ayaw mong nakakaangat sa'yo ang ibang tao? Na ayaw mong nalalamangan ka?

Hindi naman kompetisyon ang buhay. Kung sino ang mas matagumpay, o kung sino ang nasa ibaba. Para sakin, gawin mo kung ano ang gusto mo, pero `wag kang manira ng ibang tao. Dahil nga sa sinabi ko, hindi naman ito isang palaro. Wala kang kalaban. Pare-pareho lang tayo ng hinahanap. It's either kasiyahan o contentment, pagmamahal o pag-aalaga.

Maging masaya tayo para sa ibang tao. Napaka-ganda ng buhay para sayangin mo ang buhay mo na kamuhian ang mga taong ayaw mo. Masaya ang buhay kung gagawin mong maganda, at maging masaya ka para sa ibang tao na nakakaranas ng tagumpay sa buhay.