Huling Habilin

Bago mawala si Daddy, bago niya kami iwan, just like others na mawawala na, nakapag-iwan din siya ng huling habilin sakin. Mag-e enroll ako sa CLSU non. Siguro 2 days before ng enrollment. Yung makikita mo sa mukha niya na nag-dadalawang isip siya kung papayagan ba niya ko mag-dorm o hindi. Tinawag niya ko. Ako naman kinakabahan na ko. Tapos sabi niya,"Baka naman pag nandun ka na at pag-uwi mo dito, buntis ka." Syempre nung una, masakit para sakin na marinig galing sa kanya yon kasi parang wala siya tiwala sakin. Sabi ko,"Daddy naman. Para naman wala kayong tiwala sakin niyan." Sabi niya,"Anak, hindi dahil sa wala akong tiwala sa'yo. Kung tiwala lang bunso, marami ako sa'yo non. Natatakot lang si Daddy." Naiiyak na ko non. Pinigil ko, ayoko umiyak sa harap niya kasi baka isipin niya guilty ako (hahahahaha). Tapos sabi ko,"Dy, promise. Di ako mabubuntis, di ako magkakaanak, di ako magkaka-asawa hanggat hindi ako tapos ng pag-aaral. Promise yan Daddy. Promise yan." Ngumiti siya. Tapos umakyat na ko sa kwarto ko, umiyak at natulog ako.
Kinabukasan,  huling araw na pala niya.